Нов ревеолуционерен лек против рак одобрен.

Употребата на нова „револуционерна“ класа лекови со која можат да се третираат разни видови тумори за првпат беше одобрена во Европа.

Овој агностичен лек препознава генетска абнормалност и го напаѓа туморот без разлика каде се наоѓа во телото и британските лекари кои го тестирале изјавија дека се „многу возбудени околу оваа нова работа“. Името на одобрениот лек е „larotrectinib“ и двегодишно девојче од Бристол беше еден од првите пациенти кои имале корист од него.

„Знаевме дека нашите опции се ограничени и затоа се решивме да пробаме и мило ми е што направивме така. Имавме можност да видиме како Шарлот расте и заздравува со голема брзина. Таа сега може да има релативно нормален живот и најважно од сѐ, лекот имаше неверојатен ефект на туморот“, изјави нејзината мајка Естер.

Туморот кај Шарлот бил предизвикан од генетска абнормалност позната како фузија на гени и таа не е својствена само за еден тип рак.

„Позитивно е што лекот делува на разни видови рак, тој напаѓа абнормалност“, изјави д-р Џулија Чисолм од Кралската болница „Марсден“.

Leave a Reply

Your email address will not be published. Required fields are marked *