Само несреќните и огорчени луѓе се злобни кон другите

Само несреќните луѓе ќе се обидат да ве згазат и да ја уништат вашата самодоверба, затоа што тие самите немаат самодоверба.

samo-nesrekjnite-i-ogorcheni-lugje-se-zlobni-kon-drugite-01.jpg

Таквите луѓе кои не можат да пронајдат радост во ништо, ќе направат сѐ за да им ја уништат среќата на другите затоа што им е тешко да се опкружени со задоволни и позитивни луѓе.

Кога гледаат дека некој има убав живот тие се чувствуваат инфериорно и дури се згрозени од неговиот успех.

Често се љубоморни и полни со омраза кон секој кој има подобар живот од нив. Не можат да ги контролираат емоциите и затоа почнуваат со навреди, агресивни се и полни со омраза за да ја уништат среќата на другиот и со тоа тие самите да се чувствуваат подобро.

Само несреќните луѓе сакаат другите да бидат мизерни како и тие. Тоа се тажни луѓе со длабоки рани и болка и чувствуваат дека никој не ги разбира.

Не можат да го видат доброто во ништо. Ако им кажете за некоја своја цел, тие веднаш ќе ја проценат идејата како глупава и бргу ќе смислат десетици причини зошто треба да се откажете од таа цел.

Чувствуваат дека цел свет е против нив и како да сакаат да се одмаздат за тоа. Истрауматизирани се и незадоволни од животот.

Нивната злоба им е начин да се заштитат затоа што најверојатно некогаш во минатото биле многу сериозно повредени.

Па, кога се лути и злобни не сфаќајте си го тоа лично, станува збор за нив, а не за вас. Тие имаат нешто во животот што ги прави несреќни.

Обидете се да ги разберете и запомнете не е ваша вина.

Leave a Reply

Your email address will not be published. Required fields are marked *