„Можеме да ги допреме автомобилите од тераса“ – Во Египет се гради надвозник на половина метар од станбени згради

Деновиве, на социјалните мрежи се појавија фотографии од пат што се гради во Каиро. Она што им го привлече вниманието на сите е местоположбата на истиот, наменет за автомобили.

egipetskite-vlasti-gradat-avtopat-na-samo-50-cm-od-stanbeni-zgradi-01 (1).jpg

Имено, според она што го кажуваат тамошните жители во коментари, растојанието помеѓу новиот пат и зградите е едвај половина метар.

Со овој проект, луѓето кои живеат во околните гради постојано ќе ја слушаат вревата од автомобилите на патот, но и ќе дишат многу позагаден воздух. Оние, пак, кои живеат на долните катови, сега се буквално под новиот автопат.

Според изворите на Arab News, околните згради биле направени нелегално, па откако ќе заврши изградбата на мостот, ќе бидат рушени.

egipetskite-vlasti-gradat-avtopat-na-samo-50-cm-od-stanbeni-zgradi-05.jpg

Според информациите, мостот ќе биде долг 12 километри, а широк 65,5 метри и неговата изградба би чинеа 317 милиони долари. Според главниот на Централната агенција за конструкција во Египет, Махмуд Насар, овој мост бил неопходен и ќе му биде од голема корист на соседството.

Насар додава и дека на луѓето кои живеат во зградите ќе им биде даден надомест. Сепак, жителите се бунат за близината на патот, велејќи дека ќе можат да ги допрат автомобилите од тераса, а сопственик на една од зградите тврди дека градбите се легални и никој нема право да ги руши.

egipetskite-vlasti-gradat-avtopat-na-samo-50-cm-od-stanbeni-zgradi-06.jpg

Истовремено, дури и ако навистина ги рушат зградите и ги преселат станарите, тоа веројатно ќе потрае. Па, на очајните жители, на кои им е нарушена и приватноста поради изградбата, ќе мора да ги трпат сите последици.

Веројатно изградбата на мостот ќе продолжи по план, но луѓето на социјалните мрежи од целиот свет стојат на ставот дека ова е неодговорно и непромислено.

egipetskite-vlasti-gradat-avtopat-na-samo-50-cm-od-stanbeni-zgradi-07.jpg
egipetskite-vlasti-gradat-avtopat-na-samo-50-cm-od-stanbeni-zgradi-08.jpg

Leave a Reply

Your email address will not be published. Required fields are marked *