Работи што вашиот гинеколог сака да престанете да ги правите

Гинеколошкиот преглед е нешто што не смеете да го прескокнете, особено ако сте сексуално активни.

raboti-shto-vashiot-ginekolog-saka-da-prestanete-da-gi-pravite-01.jpg

И покрај тоа што сите знаат дека гинекологот е медицинско лице кое нема да им суди, повеќето жени се срамат или се чувствуваат непријатно за време на прегледот.

Поради ова, пак, прават работи што само му ја отежнуваат работата на гинекологот.

Затоа, следниот пат кога ќе одите на гинеколог оставете го срамот дома и престанете да ги правите овие работи:

Сакате и партнерот да влезе во ординацијата

Без разлика од која причина сакате партнерот да присуствува на вашиот преглед, подобро е да му кажете да ве почека надвор.

Вашиот гинеколог мора да се фокусира за да го изврши прегледот, а партнерот веројатно ќе му поставува прашања и ќе му го одвлекува вниманието.

Истовремено, ако гинекологот сака да ви каже што било во врска со вашето здравје, тоа може да биде премногу лично и да му биде непријатно да ви го соопшти пред партнерот.

Го откажувате прегледот поради менструацијата

Само затоа што ви почнал менструалниот циклус, не значи дека мора да го откажете прегледот. Многу гинеколози тврдат дека без проблем прегледувале и жени со менструација, но сепак за тоа е најдобро да се консултирате телефонски пред прегледот.

Ако сепак сметате дека ќе ви биде непријатно, откажете навреме или воопшто не закажувајте преглед во деновите кога ја очекувате менструацијата.

raboti-shto-vashiot-ginekolog-saka-da-prestanete-da-gi-pravite-02.jpg

Не правите преглед за рак на грлото на матката

Гинеколошките прегледи можат да бидат непријатни, но ако имате каков било проблем, многу полесно ќе го решите ако го откриете навреме.

Жените неретко чекаат до последен момент – се прегледуваат дури откако ќе забележат загрижувачки симптоми, а понекогаш ова може да биде предоцна.

Затоа, прашајте го гинекологот колку често треба да ги правите овие прегледи, и послушајте го.

Очекувате хормонална терапија ако имате ниско либидо

Кога некоја личност ќе забележи намалено либидо, сака да најде брзо решение. Но, гинеколозите тврдат дека најчесто причината за ова не се хормоните, туку емоционалните проблеми. Можеби периодов сте изложени на многу стрес, можеби сте преморени, можеби имате други проблеми со партнерот и врската…

Освен ако не сте во менопауза, мали се шансите дека ниското либидо е поради вашите хормони.

raboti-shto-vashiot-ginekolog-saka-da-prestanete-da-gi-pravite-03.jpg

Повеќе ги слушате советите на интернет отколку гинекологот

Навистина е добро што истражувате за вашето здравје и се консултирате со жени кои поминале низ истото, но ништо не може да ги замени искуството и знаењето на гинекологот. Тој е професионалец и неговото мислење е многу поважно од она што ќе прочитате на интернет.

Ако се сомневате во она што ви го кажува гинекологот подобро консултирајте се со друг доктор, отколку да барате совети на интернет.

Се извинувате бидејќи имате влакна или откажувате итен преглед заради тоа

Ако ги отстранувате влакната од интимната зона редовно, сигурно сте почувствувале несигурно ако сте биле на гинеколог „несредени“. Но нема потреба од тоа.

Влакната се сосем природни и вашиот гинеколог не го гледа тоа првпат во кариерата. Што се мора – се мора.

Не барате женски гинеколог туку го избегнувате прегледот

Некои жени се чувствуваат непријатно кога ги прегледува маж. Ако и вие спаѓате овде, немојте да се срамите да побарате да ве прегледа жена.

Без разлика која е причината за ова, имате право да одлучите кој ќе се грижи за вашето интимно здравје. Лекарите ќе го разберат ова и нема да ви судат, иако навистина нема потреба тоа да ви биде пресудно.

Не кажувате какви лекови пиете

Кога гинекологот ќе ве праша какви лекови пиете, не ве прашува од љубопитност.

Ако треба да ви препише терапија, тој мора да знае што друго внесувате во организмот, бидејќи многу лекови не смеат да се комбинираат едни со други. Истото важи и ако ве праша дали користите какви било наркотици.

Криењето на овие информации може само да ви наштети.

raboti-shto-vashiot-ginekolog-saka-da-prestanete-da-gi-pravite-05.jpg

Ги криете вашите симптоми

Ако сакате точна дијагноза, морате да ги кажете сите ваши симптоми, без разлика колку ви е срам.

А, и нема зошто да се срамите – работата на гинекологот е да ви помогне.

Не сте искрени за вашиот сексуален живот

И ова е информација што морате да ја споделите со вашиот гинеколог, бидејќи сепак станува збор за вашето интимно здравје.

Дали сте сексуално активни, дали имате еден или повеќе партнери, дали чувствувате болка и непријатност за време на секс – сето ова се информации што ќе му помогнат на гинекологот да открие дали имате некаков проблем.

raboti-shto-vashiot-ginekolog-saka-da-prestanete-da-gi-pravite-06.jpg

Leave a Reply

Your email address will not be published. Required fields are marked *