Исповед на девојка од амишко семејство – инсцести,силувања

Девојка под прекар Сејди искрено ја раскажува својата потресна животна приказна… Силувана од браќата, од татко ѝ и малтретирана од најрано детство таа ја открива мрачната страна на амишката заедница.

incesti-siluvanja-uzhasna-ispoved-na-devojka-od-amishko-semejstvo-01.jpg

Девојка која се родила во семејство на Амиши за американските медиуми раскажува за своите трауми од детството под прекарот Сејди.

Таа се сеќава како креветот крцкал доцна навечер кога некој од нејзините браќа ќе се вовлечел во нејзината соба и ќе ја извлечел до крајот од нејзиниот душек. Ѝ ја тргал долната облека на страна додека со целото тело се навалувал врз неа.

Доаѓал друг брат, кој по хранењето на свињите ја малтретирал. Некогаш дури среде ден ѝ ги кинел фустаните, а копчињата леталe на сите страни.

Биле посилни и поголеми и најчесто го добивале тоа што го сакале.

incesti-siluvanja-uzhasna-ispoved-na-devojka-od-amishko-semejstvo-02.png

Како дете Сејди била „заштитена“ од влијанието на надворешниот свет, никогаш не ѝ било дозволено да гледа телевизија и да слуша поп музика. Таа одела во амишко училиште во една соба, јавала коњ и одела во црква – била воспитувана да биде послушна, скромна и дисциплинирана.

До 9-годишна возраст веќе била силувана од еден од нејзините браќа, а до 12 години и од татко ѝ, кој пенетрирал со прстите во неа кажувајќи ѝ дека ја проверува нејзината плодност.

incesti-siluvanja-uzhasna-ispoved-na-devojka-od-amishko-semejstvo-03.png

До 14 години тројца од нејзините браќа ја имале силувано и била напаѓана во нејзиниот кревет повеќе пати неделно. Била засрамена и збунета. Сестрите со кои ја делела собата никогаш не се разбудиле за време на нападите, односно никогаш не кажале ништо, а години подоцна ѝ се исповедале дека и тие биле силувани.

Сејди била воспитувана според многу правила, а едно од нив  било да биде тивка. „Не постоеше љубов ниту поддршка. Чувствував дека немам кому да се пожалам за пеколот низ кој минував“, вели таа.

incesti-siluvanja-uzhasna-ispoved-na-devojka-od-amishko-semejstvo-04.jpg

Дури и кога полицијата се појавила на прагот од нивниот дом со обвинение дека таткото на Сејди си ги злоупотребувал ќерките, таа молчела, а татко ѝ бил осуден само на 5 години условна казна.

По многу години силувања и малтретирање Сејди одлучила да зборува за мрачноста на нејзиното детство. Се изморила од молчење.

incesti-siluvanja-uzhasna-ispoved-na-devojka-od-amishko-semejstvo-05.jpg

Таа ја раскажува својата приказна во медиумите и тврди дека во оваа култура има многу сексуални злоупотреби за кои се молчи, дека тоа е како некаква јавна тајна.

Сејди вели дека кај Амишите многу девојки се допирани непримерно, терани на орален секс и силувани од членовите на сопственото семејство, соседите, па дури и лидерите на амишката црква.

incesti-siluvanja-uzhasna-ispoved-na-devojka-od-amishko-semejstvo-06.jpg

Се смета дека во руралните делови на Северна Америка има околу 342.000 Амиши и дека ова е брзорастечка религиозна заедница поради многуте деца кои ги имаат.

Според истражувањата на американските медиуми имало 52 официјални случаи на сексуална злоупотреба на деца во амишки семејства во 7 држави во САД во текот на изминатите две децении.

incesti-siluvanja-uzhasna-ispoved-na-devojka-od-amishko-semejstvo-07.png

Но, оваа мрачна бројка не е доказ за реалната ситуација, затоа што Сејди вели дека постојат многу повеќе случаи, но жртвите молчат за тоа. Тие се плашат дека ако зборуваат со полицијата ќе бидат отфрлени од своите семејства и од црковните лидери. Постојано се заплашувани и добиваат закани за истерување од заедницата.

Leave a Reply

Your email address will not be published. Required fields are marked *