Поради бомба ги изгубила родителите и ѝ ги ампутирале нозете, сега е првак во пливање

Хевен порачува дека нема поента да се нервирате за работите кои не можете да ги промените и дека треба да уживате во животот.

poradi-bomba-gi-izgubila-roditelite-i-i-gi-amputirale-nozete-sega-e-prvak-vo-plivanje-01.jpg

Хевен Шепард (17) од Мисури е вистинска инспирација за сите дека сѐ е можно и дека треба да се сакате такви какви што сте.

Таа е родена во Виетнам и сега реди успеси како пливач на Параолимпијадата.

Хевен била посвоена во 2004 година од семејство од Мисури, откако доживеала ужасна незгода.

poradi-bomba-gi-izgubila-roditelite-i-i-gi-amputirale-nozete-sega-e-prvak-vo-plivanje-05.jpg

Кога имала само 14 месеци нејзиниот татко детонирал бомба за да се убие и да го убие целото семејство. Силата на експлозијата ги убила двата родители наеднаш, но Хевен од експлозијата била исфрлена на страна и преживеала.

Приказната која се крие зад потегот на татко ѝ била дека имал на страна друга жена и деца и кога мајката на Хевен дознала за тоа сакала да го остави. Тој не го дозволил тоа и ставил крај на нивните животи.

poradi-bomba-gi-izgubila-roditelite-i-i-gi-amputirale-nozete-sega-e-prvak-vo-plivanje-03.jpg

Но, бабата и дедото на Хевен раскажуваат поинаква приказна. Наводно нејзините родители поради одредени причини не можеле да се земат и затоа сакале да стават крај на нивните животи.

За жал, по бомбата, на Хевен морале да ѝ ги ампутираат нозете, но таа го прифатила предизвикот на животот, се справила одлично и сега е среќна и успешна девојка.

poradi-bomba-gi-izgubila-roditelite-i-i-gi-amputirale-nozete-sega-e-prvak-vo-plivanje-04.jpg

„Јас немам нозе, но не можам да го променам тоа дури и ако сум несреќна и ако постојано размислувам како да го променам, затоа одлучив да бидам среќна“, вели инспиративната Хевен.

Таа сака да им биде пример на другите да се сакаат и да веруваат во себе.

Leave a Reply

Your email address will not be published. Required fields are marked *