Се одржа првиот концерт со социјална дистанца – дали вака ќе изгледа новата реалност и кај нас?

Кога започна пандемијата, одржувањето концерти не доаѓаше предвид, но изгледа Британците нашле решение за овој проблем.

vo-anglija-se-odrzha-koncert-so-socijalno-distanciranje-dali-ova-e-reshenie-za-nastapite-vo-zhivo-01.jpg

Единственото што можеме да го направиме за да се заштитиме од новиот корона вирус е носењето маски и социјалното дистанцирање. Поради ова, одржувањето концерт изгледа како невозможна мисија. Сепак, во Велика Британија се одржа концерт, каде што посетителите можат да држат дистанца.

vo-anglija-se-odrzha-koncert-so-socijalno-distanciranje-dali-ova-e-reshenie-za-nastapite-vo-zhivo-06.jpg

Бидејќи е тешко да натерате стотици луѓе да стојат подалеку едни од други, за овој концерт се инсталирани платформи, на кои можат да се сместат најмногу 5 луѓе. Платформите се доволно оддалечени една од друга, така што посетителите не мора да имаат никаков контакт со другите.

vo-anglija-se-odrzha-koncert-so-socijalno-distanciranje-dali-ova-e-reshenie-za-nastapite-vo-zhivo-05.jpg
vo-anglija-se-odrzha-koncert-so-socijalno-distanciranje-dali-ova-e-reshenie-za-nastapite-vo-zhivo-02.jpg

Публиката е сместена на површина од 45.000 метри квадратни, а се поставени 500 вакви платформи. На овој начин, во концертот можат да уживаат 2.500 луѓе.

Кога го купуваат билетот, на посетителите им се кажува кога точно да пристигнат на настанот, а кога ќе стигнат, одговорното лице ќе ги однесе до нивната платформа.

На овој начин се избегнува метежот и можат да се почитуваат мерките за дистанцирање. Ако некој одлучи да го напушти концертот пред крајот, потоа нема да може да се врати.

На секоја платформа има столчиња, а организаторите нашле решение и за порачувањето пијачки – можете да нарачате од специјална апликација и потоа или сами ќе си ја земете пијачката, или ќе ви ја донесат до платформата.

vo-anglija-se-odrzha-koncert-so-socijalno-distanciranje-dali-ova-e-reshenie-za-nastapite-vo-zhivo-04.jpg

„Задоволство ни е што имаме улога во враќањето на концертите во живо. Ова е уникатна можност да се слават музиката и прекрасните емоции кои доаѓаат додека уживаме во неа со други музички фанови“, изјави Хелен Пејџ, маркетинг директорот на настанот.

vo-anglija-se-odrzha-koncert-so-socijalno-distanciranje-dali-ova-e-reshenie-za-nastapite-vo-zhivo-07.jpg

Досега видовме обиди за онлајн концерти, а во некои држави се одржаа и „драјв-ин“ концерти, каде што посетителите доаѓаат со автомобил и седат внатре додека трае настанот. Сепак, ова е прв „традиционален“ концерт на отворено кој се одржа среде пандемијата.

Посетителите биле навистина задоволни, но некои изјавиле дека сепак недостасува турканицата што е препознатлива за концертите. И покрај ова, билетите за следните најавени концерти се продавале многу брзо.

Leave a Reply

Your email address will not be published. Required fields are marked *