7 делови од телото на кои сигурно заборавате да нанесете крем со заштитен фактор

Кога одите на плажа сигурно нанесувате зашиен крем на лицето, рацете, нозете и грбот. Ова се делови од телото на кои речиси сите сме имале изгореници од сонце, па никогаш не забораваме да ги заштитиме.

7-mesta-na-koi-sigurno-zaboravate-da-nanesete-krem-so-zashtiten-faktor-01.jpg

Но дали сте помислиле дека треба да нанесете крем и на усните или, пак, ушите?

Бидејќи е важно да го заштитиме секој дел од телото од штетните сончеви зраци, погледнете кои се местата што најверојатно ги заборавате, а не би требало:

Скалп

Можеби ви звучи чудно, но и вашиот скалп може да изгори – косата сепак не е доволна заштита. За да го заштитите скалпот најдобро е да носите шешир, марама и слично, но ако не сте во можност, нанесете заштитен крем.

Во овој случај најдобро е да набавите крем со распрскувач, и на секои два часа „прскајте“ од него на скалпот. Ова посебно важи за мажи кои немаат коса. 

7-mesta-na-koi-sigurno-zaboravate-da-nanesete-krem-so-zashtiten-faktor-02.jpg

Уши

Кожата на ушите е навистина чувствителна, па тие лесно можат да настрадаат од сончевите зраци. Затоа, кога нанесувате заштитен крем на лицето, не ги заборавајте и ушите.

Усни

Можеби редовно се грижите за вашите усни, но дали ги заштитувате од сонце?

Усните се постојано изложени на сончева светлина, па мора да ги заштитите и нив. Најдобро е да купите балсам за усни со заштитен фактор не помал од 30, но можете да користите и крем.

7-mesta-na-koi-sigurno-zaboravate-da-nanesete-krem-so-zashtiten-faktor-03.jpg

Очни капаци

Според една анкета, луѓето најчесто забораваат да нанесат заштитен крем на очните капаци. Исто како усните, и овој дел од лицето постојано е изложен на светлина и добро би било да го заштитите.

Не заборавајте дека дури ни очилата за сонце не се доволна заштита ако не нанесете крем.

Врат

И вратот е дел од телото на кој луѓето често забораваат да нанесат заштитен крем. Кога сте на плажа, косата најверојатно ви е собрана, па вашиот врат не е воопшто заштитен.

7-mesta-na-koi-sigurno-zaboravate-da-nanesete-krem-so-zashtiten-faktor-04.jpg

Стапала

Веројатно мислите дека вашите стапала се безбедни, но и овде лесно можете да добиете изгореници.

Затоа, секојпат нанесете крем и на горниот дел на стапалата, вклучувајќи ги и прстите.

Дланки

Се верува дека кожата на дланките најмногу ја „издава“ нашата возраст, што значи дека нив треба да им обрнете повеќе внимание.

Кога ќе завршите со целото тело, не заборавајте да нанесете крем и на дланките.

Leave a Reply

Your email address will not be published. Required fields are marked *