Бела Хадид раскажува за кобната болест која ја мачи веќе 9 години

Една од најбараните манекенки на денешницата, Бела Хадид, неодамна проговори за болеста со која се бори со години и непријатните симптоми со кои живее – Лајмска болест.

bela-hadid-raskazuva-za-kobnata-bolest-koja-ja-maci-veke-9-godini-01.jpg

23-годишната убавица, е дијагностицирана со оваа болест на 14 години. Таа истакнува дека речиси секој ден се соочувала со низа непријатности: аритмија на срцето, промена на расположението, болка во зглобовите, потење, мачнина, несоница, главоболка, тегоби и конфузност.

„Ова е она што го трпиме секој ден. Без лек.“ – напиша Бела.

„Секој ден може да почувствувам и по десет од овие симптоми. Станаа потешки кога наполнив 18 години. Имам проблеми и со помнењето, некогаш не знаев како да стигнам од Малибу до Санта Моника, каде што живеев. Не можев да јавам иако сакав да се занимавам со јавање професионално“.

bela-hadid-raskazuva-za-kobnata-bolest-koja-ja-maci-veke-9-godini-03.jpg

Бела ја нарекува лајмската болест „невидлива“ затоа што не е очигледна и нема физички манифестации.

Лајмската болест е инфективно заболување предизвикано од бактерии кои припаѓаат на родот Borrelia и тоа: Borrelia burgdorferi, Borrelia garinii и Borrelia afzelii. Оваа болест на луѓето се пренесува преку убод од инфициран крлеж.

Резервоар на бактеријата може да бидат разни животни, вклучувајќи кучиња, елени, добиток, птици, глодари и др.

Од лајмска болест боледувале и нејзината мајка Јоланда и братот Анвар. Помеѓу ѕвездите од оваа болест боледуваат – Џастин Бибер, Алек Болдвин, Бен Стилер, Шанаја Твејн, Кели Озборн.

Leave a Reply

Your email address will not be published. Required fields are marked *