Вистинска инспирација: 24-годишна девојка со ампутирана нога стана успешен светски модел

24-годишната Бернадет имала рак поради кој ѝ ја ампутирале ногата, но таа не дозволува ова да влијае врз нејзиниот живот.

vistinska-inspiracija-24-godishen-model-so-amputirana-noga-sorabotuva-so-svetski-poznati-brendovi-01.jpg

Во 2018-та, Бернадет Хаганс од Белфаст, Ирска, била дијагностицирана со рак на мекото ткиво. Во тој момент, единствениот начин да ѝ го спасат животот бил ампутација на нејзината нога. Нормално, на девојката не ѝ било лесно да се соочи со новата реалност, но денес таа е полна со самодоверба, па дури и потпишала договор со модна агенција.

Откако добила вештачка нога и научила да оди со неа, Бернадет потпишала договор со модна агенција која се фокусира на модели со попреченост. Таа почнал соработка со Primark, а сега е и дел од кампањата на Kurt Geiger, наречена People Empowered.

„Одлично е кога се прикажуваат луѓе како мене, бидејќи тоа се случува многу ретко. Мислам дека можам да покажам дека и различните луѓе изгледаат добро, и дека можете да го извлечете најдоброто од она што ве прави поразлични од другите“, вели младата девојка.

Таа смета дека позитивното размислување ѝ помогнало многу во целата ситуација.

„Сите мислеа дека е прашање на време кога ќе ме погоди ситуацијата, но едноставно се чувствувам многу среќна“.

Кога ѝ ја соопштиле веста за ампутација, Бернадет си рекла дека тоа е во ред бидејќи некои луѓе се раѓаат без нозе.

„Го искусив животот со две нозе, сега ќе го искусам со една. И да, имав рак, но ми дадоа и шанса за живот. Некои луѓе ја немаат таа опција“.

View this post on Instagram

🌈

A post shared by Bernadette Hagans (@bernadettehagans) on

Кога се привикнала на вештачката нога, Бернадет барала начин и да ја направи постилска. Тогаш се сетила да контактира фирма која прави лепенки за автомобили, и ги прашала дали можат да ѝ направат за ногата. Од фирмата прифатиле, па можете да забележите дека вештачката нога на Бернадет има неколку различни бои.

„Сега слушам луѓе кои прашуваат ’Ја видовме девојката со шарената нога – каде да набавиме таква?‘“, вели Бернадет.

Интересно е што Бернадет поврзала неколку луѓе во иста ситуација со фирмата, па сега и тие имаат лепенки за нивните вештачки нозе.

Бернадет првпат ги забележала симптомите на ракот во август 2017-та – почувствувала болка во десната нога, а потоа открила болен оток. Не поминала ни една година, пред да ги добие резултатите и дијагнозата за рак. Тогаш ѝ кажале дека единствениот начин да ја спасат е ампутација на ногата.

„Можеби звучам лудо, но отсекогаш сум била позитивна личност и не бев многу разочарана. Има многу луѓе на кои им е полошо од мене – има деца со рак. Јас веќе проживеав добри 22 години“, изјави храбрата девојка минатата година.

View this post on Instagram

you son of a bitch, I’m in

A post shared by Bernadette Hagans (@bernadettehagans) on

Leave a Reply

Your email address will not be published. Required fields are marked *