Како да му го ограничите времето поминато пред екран на вашето дете без расправии?

Многу родители се загрижени за времето кое нивното дете го минува пред екран.

kako-da-mu-go-ogranichite-vremeto-pominato-pred-ekran-na-vasheto-dete-bez-raspravii-01.jpg

Смартфоните и компјутерите веќе се дел од нашето секојдневие, па речиси е невозможно да ги избегнеме. Неретко, дури ни возрасните не можат да контролираат колку време минуваат пред екран, а не па децата.

Сепак, ако сте забележале дека вашето дете поголемиот дел од денот го минува пред екран, сигурно се прашувате што можете да направите. Ако сте пробале да го казните и да му го земате телефонот или лаптопот, веројатно сте сфатиле дека ова само предизвикува гнев кај вашето дете.

Па, како тогаш да го ограничите времето поминато пред екран, без да предизвикате проблеми?

Можете да дознаете во продолжение:

Дозволете му на детето само да управува со неговото време

Една од најголемите грешки на родителите е што не им дозволуваат на децата сами да си го организираат времето. Кога детето само ќе мора да си направи распоред за денот, ќе научи и како да ги избегнува нештата што му го одвлекуваат вниманието – како смартфонот.

kako-da-mu-go-ogranichite-vremeto-pominato-pred-ekran-na-vasheto-dete-bez-raspravii-02.jpg

Објаснете му зошто не е во ред да минува толку време пред екран

Наместо да му викате, смирено кажете му на детето дека ако постојано е на телефонот или компјутерот, ќе нема време за ништо друго. Објаснете му дека користењето на електронските направи не е лошо, но дека сигурно не сака да го изгуби целиот ден поради некоја игра.

kako-da-mu-go-ogranichite-vremeto-pominato-pred-ekran-na-vasheto-dete-bez-raspravii-03.jpg

Покажете му дека игрите, филмовите и сериите можат да бидат „заразни“

Сите ги сакаме видео игрите, особено оние за смартфон, бидејќи треба да направиме малку за да добиеме некоја „награда“. Овие награди добиени со малку труд ни причинуваат задоволство, па токму поради тоа игрите можат да бидат „заразни“. На сличен начин се јавува и „зависноста“ од филмови и серии.

Објаснете му го ова на вашето дете и кажете му дека овие нешта се за забава, а не за исполнување на целото слободно време.

kako-da-mu-go-ogranichite-vremeto-pominato-pred-ekran-na-vasheto-dete-bez-raspravii-04.jpg

Прашајте го колку време му е доволно пред екран

Можеби се плашите да го поставите ова прашање, бидејќи мислите дека одговорот ќе биде „цел ден“. Но, кога ќе му објасните на детето зошто не е во ред постојано да биде на телефонот или компјутерот, самото ќе почне да си го ограничува времето.

kako-da-mu-go-ogranichite-vremeto-pominato-pred-ekran-na-vasheto-dete-bez-raspravii-05.jpg

Не му создавајте притисок

Ако детето веќе си одредило колку време ќе минува пред екран, немојте да го потсетувате на секои 5 минути за тоа. Подобро предложете му да си стави аларм кој ќе го потсети дека е време да се префрли на друга активност.

kako-da-mu-go-ogranichite-vremeto-pominato-pred-ekran-na-vasheto-dete-bez-raspravii-06.jpg

Научете го на сето ова што е можно порано

Бидејќи денес децата уште од најрана возраст користат електронски уреди, применете ги претходните совети што е можно порано. На овој начин детето уште од најрана возраст ќе сфати што е добро, а што не, и ќе избегнете многу проблеми во иднина.

kako-da-mu-go-ogranichite-vremeto-pominato-pred-ekran-na-vasheto-dete-bez-raspravii-07.jpg

Не поставувајте многу строги правила

Нормално, некогаш треба да бидете и строги, но обидете се да го избегнувате ова. Ако детето не го почитува она за коешто сте се договориле, немојте веднаш да му викате.

Истовремено, можете да направите и договор што ќе му даде поголема слобода на детето – ако поминало времето за пред екран, а вашето дете нема други обврски и, на пример, сака да гледа филм, предложете му да гледате заедно. Ова е одличен начини и да поминете повеќе време заедно.

kako-da-mu-go-ogranichite-vremeto-pominato-pred-ekran-na-vasheto-dete-bez-raspravii-08.jpg

Бидете подготвени и за караница

Би било одлично сите проблеми да се решаваа мирно, но во реалноста неретко ќе мора да се соочите и со конфликт. Кога ќе зборувате за времето поминато пред екран, очекувајте вашето дете да се противи. Во овој случај, вашата задача е да ја кажете вашата поента, но што е можно посмирено. На овој начин ќе се смири и вашето дете и ќе можете да разговарате.

kako-da-mu-go-ogranichite-vremeto-pominato-pred-ekran-na-vasheto-dete-bez-raspravii-09.jpg

Leave a Reply

Your email address will not be published. Required fields are marked *