Ако се насмевнат, ќе платат казна – забавни факти за британската кралска гарда

Војниците кои се дел од британската кралска гарда следат безброј правила – не смеат да се насмевнат, немаат пауза за тоалет, а мораат да внимаваат и како ќе паднат ако изгубат свест.

ako-se-nasmevnat-kje-platat-kazna-zabavni-fakti-za-britanskata-kralska-garda-01.jpg

Британската кралска гарда е можеби најпрепознатливата во светот, најмногу поради интересните костими на војниците, но и нивната неверојатна трпеливост и смиреност.

Ако не сте го посетиле Лондон, тогаш сигурно сте виделе барем едно видео каде што некој се обидува да измами каква било реакција од војниците во гардата, но најчесто безуспешно. А, ова е само еден доказ за неверојатната подготвеност на војниците.

Можеби денес целта на гардата не е заштита на кралицата, но таа дефинитивно е важен дел од англиската култура и историја.

Во продолжение погледнете неколку забавни факти за најпознатата гарда во светот:

Како се станува дел од гардата?

Најпрво, морате да бидете жител на Велика Британија ако сонувате за ова работно место.

Сите мажи кои се дел од гардата се всушност војници од британската армија, па ова е уште еден услов што треба да се исполнува. Ова се искусни војници, а значките што ги носат на униформата ги добиле благодарение на нивната служба на бојното поле.

Сепак, иако ова работно место изгледа примамливо, војниците не добиваат многу голема плата. Во просек, тие добиваат околу 1.800 фунти месечно, што за британски стандарди и не е многу голема плата.

ako-se-nasmevnat-kje-platat-kazna-zabavni-fakti-za-britanskata-kralska-garda-02.jpg

Што значат боите на униформите?

Наводно, црвената боја била поевтина за правење, па ова е една од причините што униформите на британската гарда се црвени. Истовремено, црвената е боја што е тешка за забележување на големо растојание, па во минатото непријателите на гардата не можеле со сигурност да одредат колку војници се на број.

Во постудените месеци, црвената униформа е заменета со сив капут.

ako-se-nasmevnat-kje-platat-kazna-zabavni-fakti-za-britanskata-kralska-garda-03.jpg

Зошто војниците ги носат огромните шапки?

Најпрепознатливиот дел од униформата, огромните црни шапки, датираат од 17-тиот век. Капите ги носеле и британските и француските војници, бидејќи со нив изгледале поголеми, па верувале дека тоа ќе ги заплаши непријателите.

Можеби сте забележале дека шапките се прицврстени за брадата, а не за вратот. Причината е нивната тежина – ако војникот бил удрен по капата, а таа била прицврстена за вратот, постоела голема веројатност да му се скрши.

ako-se-nasmevnat-kje-platat-kazna-zabavni-fakti-za-britanskata-kralska-garda-04.jpg

Колку тежат огромните шапки?

За ова работно место ви треба навистина силен врат. Имено, шапките тежат и до 4 килограми, а војниците мораат да ги носат постојано. Кога е врнежливо, пак, од водата тие можат да станат уште потешки.

ako-se-nasmevnat-kje-platat-kazna-zabavni-fakti-za-britanskata-kralska-garda-05.jpg

Забрана за зборување

Војниците од гардата не смеат да разговараат едни со други додека се на смена. Всушност, тие не смеат да прозборат ништо, но имаат дозвола да ги прекорат туристите кои се обидуваат да ги провоцираат. Во вакви ситуации, најчесто извикуваат „Направете место за кралската гарда“.

ako-se-nasmevnat-kje-platat-kazna-zabavni-fakti-za-britanskata-kralska-garda-06.jpg

Правила за губење свест

Овие луѓе треба да следат толку многу правила, па дури и во моментите кога губат свест. Стоењето со часови во проблематична униформа понекогаш е премногу за војниците, па често се случува некој да изгуби свест, особено во текот на летото.

Ако, пак, војникот сфати дека се чувствува лошо, тој мора да даде сè од себе за да стои исправено. Поради ова, кога конечно ќе попушти, војникот најчесто паѓа кон напред, а другите не мрднуваат со прст.

ako-se-nasmevnat-kje-platat-kazna-zabavni-fakti-za-britanskata-kralska-garda-07.jpg

Забрана за смеење

Колку и да се обидувате да ги насмеете овие војници, нема да успеете, бидејќи тие мораат постојано да бидат сериозни. Ако го прекршат ова правило, можат да бидат казнети – ќе треба да платат 200 фунти.

ako-se-nasmevnat-kje-platat-kazna-zabavni-fakti-za-britanskata-kralska-garda-08.jpg

Немаат пауза за тоалет

Војниците мораат да стојат на своето место пред палатата 2 часа без прекин. Ова значи дека во текот на тие 2 часа, додека трае нивната смена, тие не смеат да одат ни во тоалет.

ako-se-nasmevnat-kje-platat-kazna-zabavni-fakti-za-britanskata-kralska-garda-09.jpg

Leave a Reply

Your email address will not be published. Required fields are marked *