Како да го подобрите сексуалниот живот во подоцнежните години од животот?

Доволно е да следите само неколку правила и совети, за вистински да уживате во сексот и во подоцнежните години од животот.

kako-da-go-podobrite-seksualniot-zhivot-vo-starosta-01.jpg

Само затоа што сте стигнале одредена возраст, не значи дека треба да престанете да уживате во сексот. Вашиот сексуален живот може да биде исто возбудлив како и во младоста, а треба да направите многу малку за вистински да уживате.

Во продолжение погледнете неколку совети што ќе ви помогнат да уживате во сексот и во подоцнежните години од животот:

Средете ја спалната соба

За многу луѓе, неуредната и валкана соба може да ја „убие“ желбата за секс. Затоа, осигурете се дека вашата спална соба секогаш ќе биде колку-толку средена.

Не заборавајте на лубрикантот

Поради менопаузата, во женското тело настануваат многу хормонални промени кои можат да предизвикаат сувост на вагината. Ова, пак, може да води до непријатен, па дури и болен секс. Лубрикантот лесно ќе го реши овој проблем, а и самите ќе забележите дека уживањето е многу поголемо.

Бидете отворени

Ако сте во брак или во долга врска, одвреме-навреме пробувајте нови работи во сексот. Треба да бидете отворени со вашиот сексуален партнер и слободно да зборувате за вашите желби. Ако сте забележале дека сексот станал монотон, предложете му на партнерот некоја игра или, пак, заедно одете во секс-шоп и најдете нешто што ви се допаѓа и на двајцата.

kako-da-go-podobrite-seksualniot-zhivot-vo-starosta-02.jpg

Правило од 6 минути

Дали после секс веднаш станувате од кревет и си продолжувате со другите активности? Тогаш време е да го промените тоа.

Едно истражување, во кое испитаниците биле средовечни луѓе, покажало дека паровите кои после секс минувале 6 до 10 минути во прегратки имале многу подобра врска, за разлика од оние кои не одвојувале воопшто време за ова.

Па, наместо веднаш да станете од кревет, одвојте барем 6 минути за да го зајакнете односот со партнерот.

Разговарајте со лекарот за вашите лекови

Ако имате проблеми во сексуалниот живот, а пиете какви било лекови, прашајте го вашиот лекар дали терапијата влијае врз вашето либидо. Ако одговорот е да, лекарот сигурно ќе ви помогне да се справите со тој несакан ефект.

Немојте да се разочарувате

Не заборавајте дека со годините, некои промени во телото се неизбежни и можат да предизвикаат проблеми со ерекцијата или сувост на вагината. Ако вам или на партнерот ви се случи нешто вакво, немојте да се разочарувате, бидејќи речиси и да немате контрола над ова.

Ако не можете да се возбудите во моментот, не си создавајте притисок и обидете се повторно подоцна.

kako-da-go-podobrite-seksualniot-zhivot-vo-starosta-03.jpg

Не е важна само пенетрацијата

Ако се соочите со сувост или проблеми со ерекцијата, не заборавајте дека пенетрацијата не е единствениот начин да бидете интимни со партнерот.

Можете да пробате орален секс или само да се бакнувате и да се допирате. 

Не ја заборавајте мастурбацијата

Некои истражувања покажале дека средовечните мажи мастурбираат неколкупати месечно, додека жените на иста возраст го прават тоа многу поретко – едвај еднаш месечно.

Ако сте жена, не заборавајте дека и мастурбацијата е важна, дури и здрава. На овој начин не само што полесно ќе се ослободите од стресот, туку и ќе научите што ви причинува најголемо задоволство, а ова дефинитивно ќе го подобри сексуалниот живот.

Излезете од спалната

Ако имате секс само во спалната соба, зошто да не го промените тоа? Нема потреба да експериментирате со секс на отворено ако не ви се ризикува, но секогаш можете да имате секс во дневната, на маса, додека се туширате…

kako-da-go-podobrite-seksualniot-zhivot-vo-starosta-04.jpg

Leave a Reply

Your email address will not be published. Required fields are marked *