„Маж ми очекуваше секс, но јас само сакав да си ги облечам памучните пижами и да спијам“

„Кога бевме во врска со сопругот имавме секс секој ден, но сега, по 20 години брак, навистина не сум расположена за тоа и повеќе уживам во шолја топло чоколадо отколку во секс“ – раскажува една жена за DailyMail и го кажува она за кое многу жени немаат храброст да проговорат.

mazh-mi-ochekuvashe-seks-no-jas-samo-sakav-da-si-gi-oblecham-pamuchnite-pizhami-i-da-spijam-01.jpg

Нејзината исповед:

„Минатата седмица мојот сопруг ми го приготви омиленото јадење, ми кажа колку е горд на мене и ми се извини што ме земал здраво за готово.

Се изненадив затоа што тој не е познат по спонтаното изразување на емоции, освен кога гледа фудбал. Ме потсети зошто се омажив за него – тој е добар, секси, привлечен и одлично готви.

Но, наместо да сум среќна за изненадувањето, јас се грижев за тоа што следи. Романтичните вечери треба да завршат во спалната соба. Но, јас само сакав да си ги облечам моите памучни пижами и да заспијам.

Наместо да уживам во оброкот, јас ја минав вечертата мислејќи како тактички да се извлечам потоа.

Извинете, но навистина чувствувам притисок од тоа дека треба редовно да имам секс.

Во брак сме веќе 20 години, но јас веќе имам 47 години и нивото на хормони не ми е така високо повеќе. Искрено повеќе уживам во шолја топло чоколадо отколку во секс.

Единствен пат кога мислам на секс е кога маж ми ќе ја спомене темата. И следното што го помислувам е: „Кој изговор да го пронајдам овојпат?“

Не е дека никогаш немаме секс, имаме одвреме навреме затоа што знам дека тоа го прави среќен и за да не ми пропадне бракот.

Понекогаш сум загрижена дека мојот сопруг ќе отиде и ќе побара интимност на друго место, иако инсистира дека една жена му е доволна на секој маж.

По сексот тој е најсреќниот човек на светот, си свирка, оди на пазарење и не е намќорест кон мене. Се чувствувам виновно што му ја одземам омилената активност.

Се обидувам да му надоместам со бакнежи и прегратки, но тој не е голем фан на тоа.

Тој ме засмејува, интелигентен е и добар во кревет, само јас едноставно ја изгубив желбата. Кога се запознавме имавме многу редовно секс, еднаш на ден.

mazh-mi-ochekuvashe-seks-no-jas-samo-sakav-da-si-gi-oblecham-pamuchnite-pizhami-i-da-spijam-02.jpg

Од него сум 12 години помлада и пријателите му завидуваат на тоа што има толку помлада сопруга, но јас не можам да соберам енергија. Плус, ми влијае и тоа што од сите страни сум опкружена само со лоши вести. Постојано дознавам дека некој починал, слушам за болести, за несреќи…

Пред некое време со чаша вино им се исповедав на моите пријателки, а тие заклучија дека сум си создала ментална бариера. Велат дека откако еднаш ќе прекинеш со навиката да имаш секс, потоа е тешко да почнеш одново.

Сите сме затворени на оваа тема, но штом почнам да зборувам искрено и другите кажуваат дека минуваат низ истото. Лажат дека им е оној период од месецот, дека имаат главоболка и што уште не.

Се чувствувам себично затоа што маж ми прави прекрасни работи за мене, а јас правам да се чувствува мизерно.

Пробувам да правам компромис и да имам доволно секс за да го усреќам, но никогаш не е доволно.

За мене и многу други жени сексот едноставно не е приоритет. Време е да признаеме дека едноставно не сакаме секс и малку да си го намалиме чувството на вина.“

Leave a Reply

Your email address will not be published. Required fields are marked *