Љубовни совети од пријателките кои не треба да ги слушате секогаш, низ илустрации

Сигурно сакате да разговарате со пријателките за љубовниот живот и сигурно тие секогаш сакаат да ви помогнат.

ljubovni-soveti-od-prijatelkite-koi-ne-treba-da-gi-slushate-sekogash-01.jpg

Но, иако се кажани со најдобра намера, понекогаш љубовните совети на пријателките не се најдобри.

Вашите пријателки не знаат што точно се случува во вашата врска, не го познаваат вашиот партнер исто добро колку и вие, па не можат да ви помогнат во донесувањето на големите одлуки. Истовремено, постојат работи кои треба да ги дискутирате и за кои треба да одлучувате само со партнерот.

Погледнете кои љубовни совети од пријателките не би требало да ги слушате:

Нема потреба да дискутирате со партнерот за проблемите – пријателките се овде за тоа

Во ред е да побарате совет од пријателките за врската, но немојте да ги криете проблемите од партнерот. Ако не му кажете што ви пречи и што сметате дека не е во ред, тој нема да ви ги прочита мислите и нема да се промени ништо.

ljubovni-soveti-od-prijatelkite-koi-ne-treba-da-gi-slushate-sekogash-02.jpg

Ако сакате внимание, направете го љубоморен

Ако го правите партнерот љубоморен, ова нема да ги засили неговите чувства кон вас, ниту пак секогаш мора да значи дека тој ќе ви обрнува повеќе внимание.

Всушност, можете да го добиете спротивниот резултат. Ако флертувате со други и правите што било за партнерот да се почувствува љубоморно, тој нема да ве опсипува со љубов и подароци, туку голема е веројатноста да „крене раце“ од вас.

Ако се двоумите дали да го направите партнерот љубоморен, помислете како би се чувствувале вие ако си ги смените улогите.

ljubovni-soveti-od-prijatelkite-koi-ne-treba-da-gi-slushate-sekogash-03.jpg

Мажот треба да ги плаќа сметките во ресторан

Некогаш луѓето можеби верувале во ова, но ако сакате еднаквост, не можете да очекувате партнерот да ви ги покрива трошоците.

Се разбира, едниот од партнерите секогаш ќе му помогне на другиот ако има проблеми со пари, но ако можете да платите и сами, правете го тоа.

Добро е секогаш да ги делите сметките, а одвреме-навреме понудете вие да платите за сè.

ljubovni-soveti-od-prijatelkite-koi-ne-treba-da-gi-slushate-sekogash-04.jpg

Подобро да имате лош дечко, отколку да бидете сами

Ако не сте среќни во врската поради која било причина, секогаш е подобро да ставите крај, отколку да трпите.

Нема ништо лошо во тоа да бидете сингл. Многу е полошо да бидете со партнер кој не го сакате или кој ве малтретира, отколку цел живот да бидете сингл.

Штом ќе сфатите дека таа личност не е за вас, немојте да се двоумите дали да ѝ ставите крај на врската.

ljubovni-soveti-od-prijatelkite-koi-ne-treba-da-gi-slushate-sekogash-05.jpg

Ако долго сте заедно и не ве побарал за жена, поставете му ултиматум

Тоа што партнерот не ве запросил и после 4-5 години заедно не значи дека не ве сака. Денес некои луѓе не придаваат големо значење на бракот и тој не би требало да биде пресуден за врската ако сè друго е во ред.

Можеби партнерот не е подготвен за брак, но штом е со вас и ви оди добро, веројатно сака да го поминете животот заедно, без разлика дали ве побарал за жена или не.

Ако толку ви пречи, подобро е да разговарате отворено на темата, отколку да го уцените и да му создадете одбивност кон моментот на запросување. Доволно е да разговарате еднаш и потоа да не форсирате, да оставите сам да го посака тоа.

ljubovni-soveti-od-prijatelkite-koi-ne-treba-da-gi-slushate-sekogash-06.jpg

Мора да ви купува скапи подароци

Немојте да ги вреднувате подароците на партнерот според нивната цена. Важно е да го цените самиот гест и фактот дека партнерот помислил на вас и одвоил време за да најде подарок.

Ако, пак, партнерот нема навика да ви купува подароци, не значи дека не се грижи за вас. Едноставно, веројатно тој можеби не им придава големо значење на подароците или пораснал во околина каде што подароците биле реткост.

ljubovni-soveti-od-prijatelkite-koi-ne-treba-da-gi-slushate-sekogash-07.jpg

Не почнувајте врска со помлад маж

Ако вам не ви пречи тоа што партнерот е помлад, пријателките не се тие кои треба да одлучат. Ако партнерот е зрел, ве сака, ве цени, се грижи за вас … што е важно дали е неколку години постар или помлад?

Штом и двајцата се забавувате и уживате, годините не треба да претставуваат проблем.

ljubovni-soveti-od-prijatelkite-koi-ne-treba-da-gi-slushate-sekogash-08.jpg

Морате целото слободно време да го минувате заедно, да не почне сам да излегува

Кога сте во сериозна врска, важно е да останете свои. Односно, да наоѓате време за работи што ви годат само вам. Ако вие сакате да одите во шопинг, а партнерот сака да гледа фудбал, секој нека си го прави своето.

Нема потреба секој слободен миг да бидете заедно, бидејќи ова може да има и лошо влијание врз вашиот однос. Како за сè во животот, и во овој случај важна е рамнотежата.

ljubovni-soveti-od-prijatelkite-koi-ne-treba-da-gi-slushate-sekogash-09.jpg

Leave a Reply

Your email address will not be published. Required fields are marked *