Емотивна исповед: Не мислев дека мене ќе ми се случи. Рак на 28 години?

„Не мислев дека мене ќе ми се случи, ниту пак дека ова некогаш ќе го пишувам 2 дена после операција.. Упс не, после втора операција за 2 недели“, пишува 28-годишната докторка Марија Бунда Калпак.

makedonka-so-emotivna-ispoved-dva-dena-po-operacija-rak-na-28-godini-da-toa-sum-jas-01.jpg

Марија Бунда Калпак е наша докторка која храбро на својот Инстаграм профил проговори за дијагнозата рак и нејзината голгота.

Емотивната исповед на храбрата Марија:

„Рак на гради на 28 години? Да, тоа сум јас!

Не мислев дека мене ќе ми се случи, ниту пак дека ова некогаш ќе го пишувам 2 дена после операција.. Упс не, после втора операција за 2 недели.

Поминаа 7 месеци од првичната дијагноза и сега имам храброст да ја споделам оваа приказна зошто знам дека може да помогне на многумина и да ја подигнеме заедно свеста за оваа ужасна болест.

Јас лично бев до пеколот и назад.. И сѐ уште сум на патот.  Не, не беше сѐ лошо и сум благодарна и  заради многуте добри работи што ми ги донесе ова патување. Не е завршено, продолжува и ќе трае цел живот..

Но поуката од ова е:

Редовно правете си само преглед.

Ако забележите нешто (топче, грутче, болка, исцедок) веднаш одете на лекар.

Како што знаете кај нас, а и секаде во светот после 40та година се прави скрининг секоја година со мамографија. Тоа е најлесниот и најевтиниот начин за преглед. Прегледот трае 5 минути и тоа е тоа.

Но, за сите нас пред таа возрасна група – златно правило – самопреглед и свесност за своето тело.“

Сепак сум уверена дека животот ни носи само онолку колку што можеме да издржиме, а тоа ќе нѐ направи посилни.“

You might also like
Menu