Ако немате секс подолго време опаѓа имунитетoт, а има и други штети по телото и психата

Период без сексуална активност може да му се случи секому, по сопствен избор или поради околностите: можеби сте раскинале врска, имате премногу работа, болест на еден од партнерите, ниско либидо, немате со кого… Неколку недели без секс не е ништо страшно.

Меѓутоа, подолгата апстиненција, особено ако телото било навикнато на редовна сексуална активност, може да се одрази на вашето здравје и психофизичката состојба.

Еднаш веќе пишувавме за тоа што се случува со телото кога подолго време немате секс, а сега го продолжуваме списокот:

Се зголемува нивото на стрес

Сексот е природен метод за ослободување од стрес, па ако се наоѓате под иста доза на секс од околината, а немате секс за да се опуштите, стресот ќе почне да се одразува. Тоа особено важи за мажите. За време на сексуалниот однос телото произведува ендорфини и окситоцин, хемикалии што ве опуштаат и ве прават среќни.

close up of heterosexual couple having sex

Меланхолија и чувство на депресија

Покрај уживањето во физичкиот чин на сексот, контактот кожа на кожа со друг човек е примарен начин на утеха и смирување за луѓето. Сексуалната врска, со многу допирање и галење може да помогне да го регулираме расположението. Ако ви недостига „човечки допир“ може да се чувствувате потиштено и меланхолично. Ова не значи дека ако сте психофизички здрава личност без секс ќе паднете во депресија, но отсуството на сексуален партнер може да направи да се чувствувате депримирано.

Кај мажите се зголемува ризикот од рак на простата

Сексот се смета за заштитна алатка од рак на простата. Истражувањата покажале дека мажите на возраст од 20 до 29 години кои ејакулираат најмалку 21 пат месечно имаат за 19% помали шанси да им биде дијагностициран рак на простата во споредба со мажите кои ејакулираат поретко, на пример четири до седум пати месечно.

Опаѓа имунитетот

Иако немањето близок контакт со други луѓе може да ја намали изложеноста на вируси и бактерии, една страствена ноќ прави чуда за кревање на имунитетот. Научниците од Универзитетот Вилкс-Бар во Пенсилванија открија дека луѓето кои имаат секс еднаш или два пати неделно имаат за 30% повисок имуноглобулин А (IgA) во споредба со оние кои имале секс поретко или воопшто немале секс.

Кај мажите се зголемува ризикот од еректилна дисфункција

Нередовниот секс кај мажите може двојно да го зголеми ризикот од еректилна дисфункција во споредба со мажите кои имаат секс најмалку еднаш неделно, покажа истражување објавено во American Journal of Medicine. Авторите на истражувањето велат дека сексот најверојатно помага да се зачува цврстината на пенисот на ист начин како што вежбањето помага да бидат стегнати други делови на телото.

You might also like
Menu