“10% диета” се повеќе популарна како најздрав и најбрз начин за слабеење

„10 процентната диета“ многумина сметаат дека не е само најефикасниот, туку и најздравиот начин на губење килограми. Оние кои ја пробале тврдат дека за само три недели или 20 дена успеале да се ослободат од вишокот килограми.

Што е диета од 10 проценти?

Не само што нема да гладувате, туку и не е премногу комплицирана. Оваа диета бара здрава исхрана, како и водење дневник за тоа што внесувате.  Диетата од 10 проценти има неколку правила и овие се најважни.

  1. Јадете само кога сте навистина гладни
    Наместо да грицкате или да јадете нешто одвреме-навреме затоа што сте навикнати, јадете само кога сте навистина гладни. Исто така, кога консумирате оброк, седнете на маса наместо да носите храна во кревет или пред ТВ.
  2. Јадете побавно
    Додека јадете, проверете дали многу ја џвакате храната. Се препорачува да се џвака секој залак најмалку 30 пати. Исто така, побавното хранење му дава на желудникот повеќе време да одлучи дека е полн. Значи, додека јадете храна полека, веројатно ќе јадете помалку отколку што би јаделе ако сте јаделе набрзина.
  3. Уживајте во храната, нејзиниот вкус и мирис
    Диетата од 10 проценти бара здрава исхрана која вклучува зеленчук и здрави масти. Обидете се да ја подготвите вашата храна ден претходно и дајте си многу време за тоа. Искористете ја храната што ја сакате вообичаено, зачинете и испробајте нови вкусови. Не заборавајте за доволен внес на течности што ќе ја подобрат работата на цревата и ќе го олеснат процесот на варење.

При овој режим на исхрана од корисниците се бара да имаат јасна пресметка на калории што ќе ви овозможи да изгубите 10 % од телесната тежина за три недели. Ова значи дека ако имате 80 килограми, треба да изгубите 8 килограми за 20 дена, ако имате 100 тогаш таа бројка се зголемува на 10 килограми и така натаму.

Диетата од 10 проценти е дизајнирана да вклучува само 25 калории за секоја фунта од вашата телесна тежина. Ова значи дека ако имате 70 килограми, дозволено е да внесувате 1750 калории на ден. Инаку, препорачаното дневно ниво на калории е до 2000 на ден.

Покрај броењето калории, важно е да пиете многу течности. Покрај тоа што помага во работата на цревата, течноста ќе предизвика чувство на ситост, што ќе ве натера да барате помалку храна. Бидејќи диетата се спроведува во текот на три недели, постојат различни правила за секоја недела за тоа што може да се внесе.

Значи, првата недела дете од 10 проценти јаде само зеленчук, варено месо, ориз, млеко и јајца. Втората недела вклучува и мешана диета.

Мени за диетата 10 проценти

Прва недела:

1 ден – зеленчук што може да биде свеж, варен како чорба или салата со помалку употреба на зачини и масла
2 ден – варено месо на што е можно помалку масло
3 ден – ориз и гриз без зачини
4 ден – млечни производи како сирење и јогурт, што е можно со помалку маснотии
5 ден – дозволени варени јајца, пржени, зачини
6 ден – овошје што може да биде свежо или варено без шеќер
7 ден – месо или риба подготвени без пржење и леб

Втора недела:

1 ден – варено месо и зеленчук што може да се готви или свеж, но не и комбинација на месо и компири или мешунки
2 ден – месо или риба со зеленчук
3 ден – ориз и зеленчук со што помалку маснотии и повеќе зеленчук
4 ден – млечни производи со малку маснотии со зеленчук
5 ден – јајца со зеленчук и јогурт
6 ден – овошје што може да биде свежо или варено без шеќер
7 ден – месо или риба со зеленчук како првиот ден

Трета недела

Во третата недела ја повторувате втората недела. Во текот на неделите, важно е да се користи маслиново масло, да не се пржи месото и да не се јаде леб, како и да се намалат другите јаглехидрати.

За време на диетата не се препорачува консумација на алкохол поради калории. Многу е важно оние што практикуваат диета од 10 проценти да направат пауза од најмалку две недели по 20 дена. Секако, би било идеално да се храните здраво и да вежбате доволно и во овој преодреден рок.

Колку е здрава диетата?
Секоја диета што дозволува ненадејно слабеење не е нужно добра за нашето тело. Но, со оглед на пресметката што ја бара диетата од 10 проценти, а тоа е внесување на одредена количина калории по килограм тежина, самиот внес не е толку ограничувачки.

Исто така, нема гладување во оваа диета што е многу важна за здравјето на организмот. Сепак, секако е важно да вклучите режим на одење и вежбање со вашата диета и да престанете со диета ако не се чувствувате добро.

You might also like
Menu