Вообичаено новите обувки и патики, по само неколку носења, се превиткуваат кај прстите и тоа создава линии и вдлабнатини што го уништува нивниот убав изглед. Ако тоа ви пречи, со едноставен домашен „третман“ може повторно да ги направите како нови.
Потребни ви се неколку весници, кујнска крпа и пегла.
Наполнете ги патиките со весници, за да спречите влагата да навлезе во нив.
Потоа, натопете ја кујнската крпа со вода и поставете ја на предниот дел, односно онаму каде што е прекршувањето.
Поминете со топла (умерено) пегла, со нежни движења, неколку минути. Процесот ќе ја врати влагата во кожата и буквално ќе ја испегла, но прво може да пробате на помал дел, за да не ризикувате од разни причини, целосно да ги уништите чевлите.
