Кинески град се бори против масовното цветање на алги што може да прерасне во еколошка катастрофа

Кинескиот пристанишен град Чингдао на северот на земјата распореди илјадници чамци што собираат алги кои почнаа да цветаат и кои се закануваат да го загрозат поморскиот свет, но и туризмот и водниот сообраќај.

Ваквите цветања на алгите може да ги потиснат изворите на храна за океанските животни, а во исто време да создадат и силен мирис, пренесува АП.

Државните медиуми објавија дека епидемијата на расцветани алги се проширила на околу 9.290 квадратни километри и дека властите распоредиле околу 7.300 пловни објекти кои досега собрале 240.000 тони алги.

Се наведува дека Чингдао се соочува со ваква епидемија најмалку 15 години, но никогаш не била на ова ниво.

Цветањето на алгите може да се случи природно, но се смета дека е во пораст како резултат на зголемувањето на температурите во морето и големата употреба на ѓубрива базирани на хемикалии.

Слични Вести
Menu