Раперот Канје Вест поднел барање до Врховниот суд во Лос Анџелес за официјална промена на името.
Како што се наведува, 44-годишниот музичар повеќе не сака да го користи своето име Канје Омари Вест туку својот долгогодишен прекар – Је, без средно име и презиме, пренесува „USA Today“.
Агенцијата наведува дека промената на името мора да биде одобрена од страна на судот.
Канје во интервјуа зборувал дека, покрај тоа што е кратенка од неговото име која му се допаѓа, тоа е збор кој може да се пронајде на повеќе места во Библијата.
Вест е среде бракоразводна парница со сопругата Ким Кардашијан Вест, која во барањето за развод во февруари не побарала да ѝ се отстрани неговото презиме. Парот има 4 деца кои исто така го носат презимето Вест.
