Линда и нејзиниот син успеале да се качат на кровот, но тој се урнал и таа не успеала да преживее.
Жена од Тенеси се удавила откако во живо на Фејсбук пренесувала како нивото на водата расте околу нејзината куќа. Таа е уште една жртва во катастрофалните поплави во Тенеси, која досега однела најмалку 22 животи.
Линда Алмонд одела во живо на Фејсбук во околу 10:15 часот во саботата наутро, покажувајќи ја опасната ситуација која се одвивала околу нејзината куќа.
Снимката траела околу една минута, а Линда не ни претпоставувала дека во неа ќе бидат последните нејзини зборови.
“Ако ме гледа некој, поплавени сме во Вејверли. Многу е страшно”, вели Линда во снимката.
Во снимката се гледа и матната вода како минува покрај нејзиниот дом. Линда после тоа запалила цигара.
“Мислам дека нешто удри во куќата”, се слуша машки глас на снимката, најверојатно синот на Линда.
