На 68 годишна возраст, во вечноста заминан пејачот кој беше многу популарен во Македонија.
Во една прилика, градоначалникот на Карпош, Стевчо Јакимовски го донесе Маринко Роквиќ во Скопје, во општина Карпош. Тој пееше на плоштадот „Делфина“ во Порта Влае, пред многуилјадната публика.
Маринко Роквиќ е српски пејач роден на 27 јануари 1954 година во Босански Петровац. Неговите родители биле строги, а семејството тешко живеело бидејќи се занимавале само со земјоделство.
Маринко и брат му покажале интерес за музика уште од мали нозе, па учествувале на повеќето училишни настани. Маринко сакаше да пее и свири песни на хармоника, а неговиот брат подобро се снајде во автомобилскиот сектор.
И двајцата се самоуки, а за хармоника се карале само затоа што имале една. Покрај музиката, Маринко сакал да тренира и фудбал.
Сестрата на неговиот вујко го забележала неговиот талент и го однела со себе во Белград. Оделе во музичкото училиште „Станковиќ“, но бидејќи се било полно, можел да се запише само на отсекот за кларинет. Но, се одлучил за Електротехничката школа „Никола Тесла“ и станал член на КУД „Никола Тесла“, каде што пеел.
Тогаш првпат се заљубил во девојка со која вежбал. По завршувањето на средното училиште, тој ја напуштил електротехниката и започнал музичка кариера.
Пееше главно народни песни, но на поелитни места бараа романси и староградска музика, па го научи и тоа. Братот на Маринко не продолжил да свири, но му се придружил во Белград и живееле како станари.
Се запишал на факултетот ФОН и завршил една година бидејќи не можел да ги координира настапите со предавањата. Секогаш сакал да се облекува убаво и бил вистински срцекршач.
Имаше се повеќе ангажмани, а по две години пеење доби понуда да го сними својот прв сингл. Тој се појави на телевизија по пет години во овој бизнис.
Во 1980 година Маринко имал авантура од која се родил неговиот најстар син Дарио. Штом утврдил дека детето е негово, тоа го признал.
Во 1984 година ја запознал својата сегашна сопруга Славица, која во Белград дошла од Загреб. Следната година се венчаа и го добија синот Никола, а две години подоцна Марко.
Минатиот месец се огласи и неговиот син Никола и откри дека неговиот татко не е добро.
„Ќе биде добро“ – изјави тогаш Никола за „Ало“, не сакајќи да ја продлабочува темата за здравствената состојба на татко му.
Денес, медиумите јавија дека Роквиќ се ипокоил. Тажната вест ја потврди и неговиот син, исто толку популарниот Никола Роквиќ.
„Ве молам, имајте разбирање. Ќе се слушнеме подоцна. Точно е дека почина. Ви благодарам што се јавивте и изразивте сочуство, сега не можам да зборувам“, изјави тој за српскиот портал „Нова“.
