Властите на Шри Ланка го претставија, како што наведоа, најголемиот природен син сафир во светот. Сафирот, кој беше пронајден пред околу три месеци во јама за копање скапоцени камења, тежи дури 310 килограми. Изложен е во куќата на еден од сопствениците на јамата.
Локалните експерти кои го испитувале сафирот велат дека тој е еден од најретките скапоцени камења во светот бидејќи тежи повеќе од 300 килограми, но меѓународните организации допрва треба да ги потврдат овие тврдења, пренесува Ројтерс.
