Невообичаен оглас за работа, 15 плати годишно во износ од 6 000 евра

Оглас за работно место што се појави во австрискиот весник „Клајне цајтунг“  стана хит поради условите кои мора да ги исполнува идниот вработен, но и дарежливата плата.

Работодавачот нуди 15 плати годишно во износ од 6.000 евра, а за возврат бара некој кој истовремено би можел да биде домаќинка, приватен готвач, градинар и техничар.

Покрај потврда дека лицето е вакцинирано против коронавирус, потребна е валидна гастро и туристичка обука и работно искуство во „ексклузивни домаќинства или хотели“.

Меѓу другите необични услови, наведено е дека кандидатот треба да има „одлично однесување, негуван изглед, самоуверено држење на телото, како и апсолутна флексибилност, лојалност и дискреција“.

Кандидатите мора да сакаат животни.

На прашање на „Хојте“, работодавачите не сакаа да дадат никакви дополнителни информации бидејќи мораа да ја заштитат приватноста на клиентот. Открија само дека очекуваат многу пријавени бидејќи е понудена добра плата.

Слични Вести
Menu