МРТ со најава од следната година да не учевствува на Евровизија

По инцидентот во кој македонската годинашна евровизиска претставничка Андреа Коевска го фрли државното знаме на земја, од МРТ ја соопштија својата одлука за санкциите кои ќе ги преземат.

Андреа ќе настапи на музичкото натпреварување, но откако нашата делегација ќе се врати од Италија, членовите ќе поднесат извештаи за случувањата. Според тоа, ќе биде одлучено кои решенија и дисциплински мерки ќе бидат преземени.

Исто така, се разгледува и можноста нашата држава повеќе да не учествува на Избор на песна за Евровизија од наредната година.

„Македонската радио телевизија, по инцидентот кој што се случи за време на официјалната церемонија за отворање на Евровизија 2022, кога нашата претставничка Андреа Коевска го фрли македонското знаме на тиркизниот тепих и по првичното Соопштение кое што беше објавено по реакциите на јавноста, детално ги разгледа сите аспекти за евентуалното повлекување на нашата претставничка од Евровизија. Таквиот чекор во момент кога сите рокови за повлекување се поминати би предизвикал голема финансиска штета и други санкции кои што не се за занемарување. Имено, со откажувањето би се загрозилo и учеството и отстапувањето на телевизиските права на сите други настани кои што Јавниот сервис ги добива како членка на Европската радиодуфузна мрежа.

Слични Вести
Menu