Почина бабата на Милица Павловиќ – жената која ја одгледа откако родителите ја напуштиле

Пејачката Милица Павловиќ на својот Инстаграм профил објави дека починала нејзината баба Рада – жената која ја одгледа и за која таа беше многу приврзана.

Познато е дека пејачката Милица Павловиќ била одгледана од баба ѝ и дедо ѝ во селото Доњи Буниброд кај Лесковац, а откако во 2020 година почина нејзиниот дедо Владимир, Милица сега на својот Инстаграм профил објави дека починала и нејзината баба Рада.

А неодамна Милица во интевју зборуваше дека родителите не се интересирале за неа, ја оставиле, а баба ѝ ја одгледала заедно со дедо ѝ, но таа веќе не ја познавала, не се сеќавала на неа поради болеста.

Пејачката со емотивна порака на социјалната мрежа Инстаграм се прости од својата сакана баба.

– Еве, признавам. Срцето ми се распаѓа и крвари. Крвари, затоа што посакувам да можев да направам уште нешто… Не зависи од тебе, не зависи од мене. Тоа не е наша волја. Себична сум, затоа што сакав да си тука за мене, да бидеш секогаш овде, да ти ги бакнувам рацете и очите… Лесно е за некој што не те познавал, но јас ја имав привилегијата да бидам твојата судбина во животот. Ти, личноста што ја имаше најчистата душа што чекореше на оваа планета… Која е најубавата баба? Мојата Рада. Целиот живот го посвети на другите. И покрај тоа што израсна како слуга во богата куќа во селото, живеејќи на парче леб и покрив над главата, тоа го извлече само најдоброто од тебе. Која беше најдобрата сопруга, мајка и баба? Мојата Рада. Некои и ти згрешија, цело село знае кој, а ти им палеше свеќа за здравје… Од твоите усни секогаш се слушаше убав збор за сите, песна и никогаш не сум ја слушнала мојата Рада да каже „Не можам и нема“.
Убава моја, и јас сакам да продолжам, не грижи се, но ме боли… Срцето ме боли како да ми игра во грло и солзите што ги бришам горат… Но не грижи се, ќе продолжам да бележам нови победи , затоа што така ме воспита, ме едуцираше и го посвети својот живот да бидеш добра личност и да ги сакаш луѓето РАДА ПАВЛОВИЌ ОД ГОРЊИ БУНИБРОД (како што гордо го изговараше твоето име до последниот ден).

– Не ми дозволуваше да се налутам на никого, таа ме научи прва да им се јавам на сите, да им кажам „добар ден“ и да земам торби од рацете на луѓето кога се враќав од основно училиште пешки и да ги носам кај нив дома… никогаш не заборавај како те викав од последниот час во средно да ми подготвиш вечера, а мојата Рада, подготвена да ме чека на врата да ме бакне и да ме гледа и слуша додека јадам се што прават нејзините магични раце… ме оставија во твои раце кога имав само неколку месеци, Господ ме погледна. Ти ги бираше моите фустани за да ја направиш твојата внука најубава. Можеше да ми менуваш алишта три пати на ден, а се сеќавам на  систематски како главниот доктор излезе и им рече на сите други мајки (а ти беше моја) дека треба да се срамат што не се грижат за децата како „оваа баба“. Ние сме тим убавице моја, тим што победува. Само Дуде (дедо ми, твојот Владимир) ме зезна малку затоа што те покани во неговата прегратка… – напиша Милица Павловиќ и додаде:

– Сигурно и нему му недостасуваш, толку прекрасна. Би ти дала срце и душа, да можам… Но не можам… За жал, некој друг ги напишал правилата на игра… ТИ ЌЕ ЖИВЕЕШ ВО МЕНЕ, преку мене, мојот живот и засекогаш ќе се гордееш со мене … Злато мое, те сакам до небото и подалеку… Прегрни го дедо ми, и јас ќе бидам твоето најдобро огледало. Затоа што ние сме тим. И не, нема да престанам. Ќе продолжам како што вие со дедо ми сакате и барате од мене, да продолжам да се борам. Да продолжам да постигнувам се што сакаше за мене, а ти ветив дека ќе биде така. Ќе продолжам за себе, бидејќи знам дека ако престанам сега, веќе нема да имам сила да почнам од почеток. Затоа што, ти ми беше СЕ на светот. И не е лесно кога ќе останеш без се. Но… Твојата Милица ќе издржи. Ти ја создаде. И нема да те издаде. Никогаш. Те сакам Љубов моја. Најмногу. Твојата Милица – напиша Милица на Инстаграм.

Слични Вести
Menu