Кандида Удерцо станала третата стогодишна Италијанка која вози. Во Италија лицата постари од 80 години мораат да ја обновуваат возачката дозвола на секои две години и мораат да достават лекарска потврда дека се психички и физички способни за возење.
„Оваа обнова ме прави среќна, а исто така ќе направи да се чувствувам малку послободна“, рекла Удерцо за “Corriere del Veneto”.
„Имам среќа доживеав 100 години и тоа што сум здрава за мене е изненадување. Никогаш не земам таблети, само повремено апчиња за спиење“.
Вели дека видот и е толку добар што може да чита весник без очила, а секоја недела наутро во 6 е подготвена за долга прошетка сама или со пријателите.