„Мека, воздушеста, доволно слатка, филот е онака како што јас го сакам – колку тесто, толку фил“, вели Нера за оваа подигната торта, чиј рецепт ќе го погледнете подолу.
Состојки за тестото:
400 гр мазно брашно
25 гр свеж квасец
130 мл млако млеко
1 јајце
60 гр путер
60 гр шеќер
прстофат сол
рендана кора од еден лимон
За филот со ореви:
200 гр мелени ореви
120 мл врело млеко
80 гр шеќер
рендана кора од половина лимон
1 кесичка ванилин шеќер
За филот од афион:
200 гр мелено семе од афион
120 мл врело млеко
80 гр шеќер
рендана кора од половина лимон
2 лажички цимет
Измешајте ги шеќерот, квасецот во прав и млекото. Оставете го да се пени 10 до 15 минути. Додадете го во брашното измешано со останатите состојки и замесете мазно тесто, поделете го на два дела. Оставете да нарасне на топло место околу еден час. За филовите измешајте ги сите наведени состојки, за секој фил во посебен сад.
Двете топчиња тесто расукајте ги на квадрати и првиот дел прелијте го со ореви, ставете го вториот дел од роланото тесто, премачкајте со афион. Свиткајте во ролна и ставете во плех подмачкан со масло. Оставете да нарасне уште половина час. Намачкајте со малку измешано млеко и масло или растопен путер, избоцкајте со вилушка на неколку места и ставете во рерна загреана на 200 степени околу еден час.
Ако горната кора премногу се стемни, ставете лист хартија за печење. Не го вадете прерано бидејќи може да се случи центарот да не се зготви правилно.
Кога е готово, извадете го од плехот на чиста кујнска крпа, превртете го наопаку за да не се одвои горната кора од филот. Оставете го малку да се излади, па свртете го на десната страна и оставете го целосно да се излади. Исечете кога целосно ќе се излади.