Дали кога некој ќе ви згреши нешто паметите во наредните 10 години или заборавате за 2 дена?
Какви сте по природа, држите ли лутина? Какви се хороскопските знаци?
Хороскопски знаци што најмногу држат лутина:
Рак
Ако нурнете длабоко во нив ќе видите тон насобрани емоции и тоа каење за љубовна врска која завршила пред 10 години, бес поради критиките од шефот од претходното работно место, па лутина кон пријател кој не им честитал роденден.
Тие се многу чувствителни и живеат во минатото. Си ги повторуваат во глава предавствата, лагите и острите зборови од другите луѓе и емоционално се ранети.
Дури и кога се однесуваат добро кон луѓето што им погрешиле, голема е веројатноста да им се уште лути.
Скорпија
Тие потсвесно постојано внимаваат дали некој ќе ги нападне. Горделиви се и ги помнат лошите зборови, дела и лагите кои некој ќе им ги каже или приреди.
Тешко им веруваат на луѓето, па ако ги издадете запомнете дека простувањето не е опција. Држат лутина долго, па дури и отстрануваат луѓе од своето секојдневие.
Мистериозни се и длабоко во себе имаат закопано тон емоции и сигурни сме дека не би сакале да ги откопате.
Хороскопски знаци што лесно простуваат:
Близнаци
Тие сакаат да го разберат светот околу себе, сакаат да разговараат за конфликтите и не држат лутина во себе.
Имаат отворен ум, им веруваат на луѓето и полни се со позитивна енергија.
Овен
Tие се импулсивни и веднаш ги покажуваат емоциите и бесот, се водат од инстинктите и веднаш се соочуваат со луѓето околу себе.
Директно пристапуваат при конфликт, но токму и заради тоа не се полнат долгорочно со негативни емоции.
Не кријат кога се повредени, но потоа веднаш брзаат кон некоја нова цел и простуваат и забораваат. Тие немаат време да мислат на минатото.
