Виетнамката Хоа Чуонг Ту Сао (62) потрошила околу 5.000 евра на естетски зафати за да биде „убава и помлада“ за сопругот кој има 26 години.
Хоа поминала цела година низ разни третмани и операции, а најголем фокус дала на пределот околу очите и брадата, затоа што смета дека токму овој дел од лицето ги издава годините.
Откако завршила со разубавувањето направиле нова свадбена фотосесија.
Тие се во брак две години, а во врска од 2017-та.
„Сакав мојот млад сопруг да биде среќен, а не сметав дека не сум доволно добра за него. Сите се сомневаат во нашата љубов, но ние докажуваме дека е вистинска. Три години летнаа за момент.“ – изјавила Хоа.
Тие се запознале во кафулето на Хоа каде Трид бил редовен муштерија. Тој признал дека е вљубен во неа, а таа во првиот момент го одбила велејќи му дека го гледа како брат.
Хоа била вдовица, но нејзиниот сегашен сопруг не се откажал од додворувањето кое завршило со брак во 2018-та година.
фото: Фејсбук
