Витамините се неопходни за имунитетот и доброто здравје, но некои комбинации како и претерани дози, можат да имаат спротивен ефект врз организмот, дури и да се штетни. Опасноста, пред се`,се однесува на коминацијата на калциум и витаминот Д, која ја зголемува можноста за атеросклероза, односно кога доаѓа до собирање на масни сустанци, холестерол, дел од мртви клетки и калциум во внатрешниот ѕид на артериите.

Американските истражувачи на чело со професорот Сафиј Хан од Медицинскиот факултет во Западна Вирџинија го објавија ова истражување во еден научен магазин, а во истражувањето учествувале 277 луѓе, кои страдале од атеросклероза, а воедно ја внесувале оваа комбинација на витамини.
Се испостави дека конзумирањето на оваа комбинација на витаминот Д и калциум, дури за 17% ја зголемува можноста да доживеете мозочен удар. Истражувањето покажало дека не постои никаква врска помеѓу срцевите заболувања и витаминот А, Б, Ц и Д, бета-каротинот, калциумот, антиоксидансите и мултивитамините. Само фолната киселина и омега 3 масните киселини едвај покажале мало влијание врз работата на срцето.
„Луѓето кои ги купуваат овие витамини за да ја подобрат работата на своето срце, само си ги фрлаат парите за џабе” – заклучи др. Хан и додаде дека витамините најдобро ги внесуваме преку здравата исхрана.