Тротоари со подно греење

Се разбира, не кај нас, за тоа ќе треба да почекаме уште долго. Но, замислете си градови во кои кога ќе падне снег, тротоарите нема да замрзнуваат и никој не ги чека надлежните за да ги исчистат улиците.


Вакви места постојат и да е парадоксот поголем, искуствата покажуваат дека тоа решение е многу поефтино отколку плаќањето на сервисите за чистење на снег и мраз. Во Исланд властите ја искористат геотермалната енергија на островот за да им го олеснат движењето на граѓаните во услови на силни наноси на снег.

Исто така овде е и задоволството на граѓаните бидејќи не само што им е олеснето движењето во вакви услови, туку и парите кои градот ги заштедил се пренаменуваат за други сервиси корисни за граѓаните. Властите тврдат дека вака многу се заштедува и од други причини.
„Кога се чистат улиците од мраз и снег, тоа ги оштетува дополнително што значи дека сме заштедиле и од почесто реновирање на улиците и тротоарите. Исто така, помалку луѓе завршуваат во ургентните центри со скршеници од пад на замрзнатите тротоари.“, посочуваат тие.
Благодарение на геотермалната енергија на Исланд, многу и од домовите се загреваат со истата. Температурата на водата е помеѓу 100 и 300 степени целзиусови. Истечната вода пак која е околу 30 степени целзиусови, се испумпува во цевки кои минуваат под улиците и тротоарите на Рејкјавик.

You might also like
Menu