Коби Брајант, Марадона, Шон Конери – светски ѕвезди кои ги изгубивме во 2020 година (фото)

2020 беше ужасна година од многу аспекти, а покрај пандемијата, таа успеа да нè збогува и со многу славни ѕвезди кои починаа во оваа тешка година.

Site-zvezdi-koi-gi-izgubivme-vo-2021-01.jpg

Коби Брајант и неговата ќеркичка Џиана беа првичниот шок… но и сите останати кои многу ќе му недостигаат на светот:

Диего Марадона

Легендата на фудбалот Диего Марадона почина од мозочен удар на 60-годишна возраст на 25 ноември, 2020. 

Екстремните подеми и падови на Марадона беа опфатени во истоимениот документарен филм објавен во 2019 година од режисерот Асиф Кападија, добитник на Оскар.

Site-zvezdi-koi-gi-izgubivme-vo-2021 (15).jpg

Шон Конери

Шон Конери, актерот роден во Шкотска, кој беше првиот актер што го играше Џејмс Бонд на филмското платно почина на 90-годишна возраст на 31 октомври, 2020. 

Оскаровецот починал во сон додека бил на Бахамите, и според BBC наводно не се чувствувал добро подолго време.

Site-zvezdi-koi-gi-izgubivme-vo-2021 (7).jpg

Чедвик Боузман

„Црниот пантер“ на Ваканда почина на 43-годишна возраст во август по четиригодишна борба со рак на дебелото црево.

Site-zvezdi-koi-gi-izgubivme-vo-2021 (1).jpg

Коби Брајант

НБА ѕвездата загина во пад на хеликоптер во Калабасас, Калифорнија, во јануари. Коби (41 година) патуваше со уште осум лица, вклучувајќи ја и неговата 13-годишна ќерка Џиана која исто така почина при несреќата.

Site-zvezdi-koi-gi-izgubivme-vo-2021 (6).jpg

Наја Ривера

Актерката од Glee беше пронајдена мртва на 13 јули, пет дена откако исчезнала додека пловела со својот 4-годишен син Дорси. Таа имаше 33 години.

Site-zvezdi-koi-gi-izgubivme-vo-2021 (2).jpg

Кели Престон

Сопругата на Џон Траволта почина на 12 јули, 2020 година, по двегодишна битка со рак на дојката. Таа имаше 57 години.

Site-zvezdi-koi-gi-izgubivme-vo-2021 (4).jpg

Џери Стилер

Актерот почина на 92-годишна возраст, а веста ја потврди неговиот син Бен Стилер. Џери ќе остане запаматен по улогите во Seinfeld и The King of Queens.

Тој почина од природна смрт во мај, 2020 година.

Site-zvezdi-koi-gi-izgubivme-vo-2021 (10).jpg

Џејмс Липтон

Долгогодишниот домаќин на Inside the Actor’s Studio почина на 93-годишна возраст во март, по битката со рак на мочниот меур.

Site-zvezdi-koi-gi-izgubivme-vo-2021 (9).jpg

Лин Коен

Ѕвездата на Hunger Games: Catching Fire, почина на 86-годишна возраст на 14 февруари.

Site-zvezdi-koi-gi-izgubivme-vo-2021 (13).jpg

Кирк Даглас

Кирк Даглас почина на 103-годишна возраст. Неговиот син Мајкл Даглас ја објави веста за неговата смрт на Фејсбук на 5 февруари.

Site-zvezdi-koi-gi-izgubivme-vo-2021 (5).jpg

Ирфан Кан

Славниот актер на Боливуд, ѕвездата на Slumdog Millionaire почина на 29 април откако беше примен во болница со инфекција на дебелото црево.

Веста дојде две години откако му беше дијагностициран редок вид на рак. Тој имаше 53 години.

Site-zvezdi-koi-gi-izgubivme-vo-2021 (3).jpg

Можеби листата е подолга, но и покрај тоа што годината беше лоша и ни приреди многу непријатни изненадувања, сепак не сакаме да се фокусираме само на тоа и да ве растажиме. 

You might also like
Menu